'గోపి....నాలో ఏం చూసి ప్రేమించావు నువ్వు?' గోముగా అడిగింది రాధ. 'గోపి' అనేది మాటవరసకు పెట్టిన పెరేగాని....ఆ స్థానంలో ఉండే ప్రతి ప్రేమికుడికీ ఏదో ఒక దశలో ఎదురయ్యే ప్రశ్నే ఇది. ప్రేమని మాటల్లో వర్ణించడమే కష్టం అనుకుంటే 'నన్నెందుకు ప్రేమించావు' అండ్ అవతలివ్యక్తి అడిగితే టక్కున సమాధానం చెప్పడం మరీ కష్టం....
కృష్ణ శాస్త్రి అంతటివాడే.....
సౌరభములేల చిమ్ము పుష్పవ్రజంబు?
చంద్రికలనేల వెదజల్లే చందమామ?
ఏల సలిలంబు పారు? గాడ్పుల విసరు?
ఏల నా హృదయంబు ప్రేమించు నిన్ను?
....... అంటూ ఈ ప్రశ్నకు సమాధానం చెప్పలేక చేతులేత్తేశాడు.. ఇక మాములు మనషుల సంగతి చెప్పేదేముంది. ప్రేమ ఎప్పుడు ఎవరిమీద ఎందుకు కలుగుతుందో ఎవరు చెప్పలేరు. అందం, తెలివి, డబ్బు, కులం, హొదా...వేటితోనూ దానికి పని ఉండదు. మనసైన మనిషి కనపడగానే హృదయస్పందన పెరుగుతుంది. ఎదలోతుల్లో ఏదో తీయని భావం అలజడి రేపుతుంది. ఒకరికొకరు సన్నిహితంగా ఉండాలనే తహతహ పెరుగుతుంది. ప్రియురానిలి/ప్రియుడిని విడిచి పెట్టి వెళ్ళాలంటే ప్రాణం పోయినంత బాధ కలుగుతుంది.
ఎందుకిల అవుతుందంటే....'అప్పుడు శరీరంలో అనేక రసాయన మార్పులు జరుగుతాయి.. అడ్రినలిన్, ఆక్సిటోసిన్ హార్మోన్లు స్రవిస్తాయి...' అంటూ సైంటిస్టులు రకరకాల కబుర్లు చెప్పోచ్చుగాక! కాని అవన్నీ ప్రత్యేకంగా ఒకరిని చూసినప్పుడు మాత్రమే ఎందుకు కలుగుతాయి, అందరికి సాదారణంగా కనిపించే వ్యక్తి ఒకరికి మాత్రమే అంత ప్రత్యేకంగా ఎందుకు కన్పిస్తారు......అన్న ప్రశ్నలకు మాత్రం సమాధానం ఉండదు...ప్రేమికు మాత్రం ఇట్టే చెప్పేస్తారు.."ప్రేమకు కారణాలు ఉండవు" అని!
(గమనిక: ఇది ప్రేమికులరోజు నాడు ఈనాడు ఆదివారం సంచికలో నుండి సేకరించినది)
0 మీ మనసులోని మాటలు:
Post a Comment