అందమైన అబద్దంలో బ్రతికేస్తున్నా.....

క్షణం ఇంత బాగుంటుందని.....నీతో వున్న క్షణం తెలిసింది
కాళ్ళకు చక్రాలేసుకుని....కాలం రివ్వున పరిగెడుతుంటే ఎలా గడిచిందో తెలియలేదు
నువ్వు నా చెంతకు వచ్చినపుడు.......
నా కళ్ళలోని మెరుపుని....వెళ్ళేటపుడు అదే కళ్ళలోని దిగులుని ఎవరు పట్టించుకుంటారు??
నువ్వు వెళ్ళిపోయాక కల కందామనుకుంట....కాని నిదుర ఎటో వెళ్ళిపోయింది
నీ ఆలోచనల పర్వంలో...ఊహకు వాస్తవానికి మధ్య నలిగి పోతున్న......
ఏది సత్యమో , అసత్యమో తేల్చుకోలేక
ప్రతి క్షణం నీవు నాతోనే ఉన్నావన్న అందమైన అబద్దంలో బ్రతికేస్తున్నా